આજરોજ જૂનાગઢ તાલુકાના બીલખા ગામે બુદ્ધનાથ ફાર્મ ખાતે ગુજરાત રાજ્ય પશુપાલન ખાતું, ગાંધીનગર તથા પશુપાલન શાખા, જીલ્લા પંચાયત જુનાગઢ દ્રારા જીલ્લા કક્ષાની પશુપાલન શિબિર સાવજ ડેરીના ચેરમેન દિનેશભાઈ ખટારીયાના અઘ્યક્ષ સ્થાને યોજવામાં આવી, જેમાં બીલખા સહિત આસપાસના વિસ્તારના પશુપાલકોએ શિબિરનો લાભ લીધો હતો.આ શિબિરમાં પશુ તજજ્ઞો દ્વારા પશુપાલન વિશે માર્ગદર્શન પણ આપવામાં આવ્યુ હતું,જેમાં સાંસદ રાજેશભાઈ ચુડાસમા સાથે ઉપસ્થિત રહી જરુરી માર્ગદર્શન આપેલ.
આજરોજ ભેસાણ તાલુકાના રાણપુર ખાતે ભેસાણ તાલુકા ભાજપ તેમજ ભેસાણ તાલુકાની જુદી જુદી સહકારી મંડળી દ્વારા સહકારી યોજનાઓનો લાભ ખેડૂતોને વધુમાં વધુ મળે એવા શુભહેતુ થી યોજાયેલ સહકાર સંમેલનમાં સાંસદ શ્રી રાજેશભાઈ ચુડાસમા,પૂર્વ ધારાસભ્ય હર્ષદભાઈ રિબડીયા સાથે હાજર રહી ખેડૂતોના હિતાર્થે જરૂરી સૂચનો સાથે માહિતી આપી હતી.
આજરોજ ભેસાણ તાલુકાના રાણપુર ખાતે આવેલ “શ્રી રાણપુર જુથ સેવા સહકારી મંડળી” ખાતે મુલાકાત કરેલ એ વેળાએ મંડળી દ્વારા ખેડૂતોને વધુમાં વધુ ઉપયોગી થઈ શકે તેવી માહિતી આપી હતી મંડળીના ડિરેક્ટરશ્રીઓ તેમજ કર્મચારીઓ દ્વારા મારું સન્માન કરાયું એ બદલ તેમનો આભારી રહીશ.
જૂનાગઢ તાલુકાના ચોકલી ગામ ખાતે શ્રી પુરુષોત્તમ લાલજી ગૌ સેવા ટ્રસ્ટ દ્વારા ગૌ સેવાના લાભાર્થે યોજાયેલ શ્રીમદ ભાગવત સપ્તાહ.જ્ઞાનયજ્ઞમાં ધારાસભ્ય જયેશભાઈ રાદડીયા સાથે હાજરી આપી,વ્યાસપીઠ પર બિરાજીત શાસ્ત્રી સ્વામીશ્રી ના મુખેથી ભાગવત સપ્તાહ નું રસપાન કરવાનો અવસર મળ્યો.
આજરોજ જીલ્લા કલેકટર કચેરી ખાતે ધી.જૂનાગઢ જિલ્લા સહકારી બેંક લી.ની બેઠક યોજાઇ જેમાં ખેડૂતોને દર વર્ષે પાક ધિરાણ માટે વધુ મદદ કરી શકે એ હેતુસર પાક ધિરાણ અંગેના ના દર નક્કી કરવાની સાથે સહકારી મંડળીઓને આધુનિકરણ તરફ કોમ્પ્યુટરરાઈઝ કરવા કેન્દ્ર સરકારની યોજના અંતર્ગત ખેડૂતોને વધુમાં વધુ લાભ મળે એ બાબતે જીલ્લા અધિ. કલેક્ટરશ્રીના અધ્યક્ષ સ્થાને બેઠક મળી જેમાં હાજરી આપી, બેઠક માં ખેડૂત હીતલક્ષી ચર્ચા વિચારણાઓ કરવામાં આવી.
આજરોજ જૂનાગઢ ટાઉનહોલ ખાતે શ્રી પ્રેમાનંદ વિદ્યા મંદિર જૂનાગઢ દ્વારા આયોજીત “વાર્ષીક એન્યુલ ફંકશન 2023” માં બ્રહ્માનંદધામ ચાપરડા ના મહંત શ્રી મુક્તાનંદજી બાપુ, ધારાસભ્ય સંજયભાઈ કોરડીયા સાથે હાજરી આપી વિદ્યાર્થીઓના ઉત્સાહમાં સહભાગી થવાનો અવસર મળ્યો.
આજરોજ વિસાવદર તાલુકાના શ્રી રામદેવ પીર આશ્રમ, નીલકંઠ ધામ લીમધ્રા (ગીર) ખાતે આયોજીત શ્રીમદ્ ભાગવત સપ્તાહ જ્ઞાનયજ્ઞ પારાયણ ના આયોજનના નિમંત્રણને માન આપી, વક્તા શ્રી મહાદેવ પ્રાસાદ મહેતાજીના કંઠે ભાગવત સપ્તાહનું રસપાન કરવાનો અવસર મળ્યો.
આજ રોજ શ્રી શંકરભાઈ ચૌધરી Shankar Chaudhary ને ગુજરાત વિધાનસભાના અધ્યક્ષ તરીકે અને શ્રી જેઠાભાઇ ભરવાડ ને ઉપાધ્યક્ષ તરીકે નિયુક્ત થવા બદલ રૂબરૂ મળી ને અભિનંદન પાઠવેલ.
આજ રોજ જૂનાગઢ સર્કિટ હાઉસ ખાતે ધી.જૂનાગઢ જિલ્લા સહકારી બેંકના બોર્ડ ઓફ ડિરેક્ટર્સની બેઠક યોજાયેલ જેમાં હાજરી આપી, આગામી દિવસોમાં ખેડૂતોને બેંક કેમ વધુ ઉપયોગી થઇ શકે સાથે બેંક વધું પ્રગતિ કરે તેવા ઠરાવો પસાર કરવામાં આવ્યા.
Kirit Patel 